पॉलीसल्फेट®

पॉलीसल्फेट हे एक हळूहळू विरघळणारे नैसर्गिक बहुपोषक खत आहे, ज्यामध्ये पोटॅशियम, मॅग्नेशियम, कॅल्शियम आणि सल्फर आहे. याचा सामू (pH) उदासीन आहे आणि ते सर्व पिकांसाठी व सर्व प्रकारच्या जमिनींसाठी योग्य आहे.

सर्व पोषक तत्वे सल्फेट स्वरूपात आहेत.
पॉलीसल्फेटमध्ये, पोटॅशियम (१३.५%) सोबत कॅल्शियम (१६.५%), मॅग्नेशियम (५.५%) आणि सल्फर (१८.५%) असते.

पॉलीसल्फेट हे पॉलीहॅलाइट नावाच्या नैसर्गिक खनिजापासून तयार केले जाते, जे एक बाष्पीभवन खनिज असून, गंधक, पोटॅशियम, कॅल्शियम आणि मॅग्नेशियमचे एक हायड्रेटेड सल्फेट आहे.

यूकेमधील उत्तर यॉर्कशायर किनाऱ्यापासून उत्तर समुद्राच्या १००० मीटरपेक्षा जास्त खोलीवर असलेल्या पॉलिहॅलाइट खडकाच्या थरातून ते उत्खनन केले जाते. पॉलिहॅलाइटमध्ये खडक क्रश करण्याची आणि त्याची छाननी करण्याची सोपी प्रक्रिया केली जाते आणि नंतर ते पॉलिसल्फेट म्हणून विकले जाते.

पॉलीसल्फेट मातीतील आवश्यक कॅल्शियमचा साठा टिकवून ठेवण्यास मदत करते. पॉलीसल्फेट विशेषतः तंबाखू, द्राक्षे आणि इतर फळे यांसारख्या, ज्या पिकांना मातीमध्ये कमी क्लोराईडची पातळी आवडते, अशा पिकांसाठी आणि बटाट्यांमध्ये अधिक शुष्क पदार्थ (ड्राय मॅटर) अपेक्षित असलेल्या ठिकाणी योग्य आहे.

पॉलीसल्फेट नैसर्गिक स्वरूपात उपलब्ध आहे. पॉलीसल्फेट म्हणून बाजारात आणण्यासाठी त्यावर कोणतीही रासायनिक प्रक्रिया किंवा इतर औद्योगिक प्रक्रिया केली जात नाही – ते पूर्णपणे नैसर्गिक, सेंद्रिय आणि शाश्वत आहे. सेंद्रिय वापरासाठी पॉलीसल्फेटला अनेक जागतिक आणि राष्ट्रीय संस्थांनी मान्यता दिली आहे.

पॉलीसल्फेट मातीच्या द्रावणात हळूहळू विरघळतो, ज्यामुळे वाढीच्या काळात सर्व पोषक तत्वे वनस्पतींना शोषणासाठी उपलब्ध होतात. नैसर्गिक क्रिस्टल असल्याने, त्याचे विरघळण्याचे स्वरूप अद्वितीय आहे, जे मातीत टाकल्यानंतर त्यातील पोषक तत्वे हळूहळू बाहेर टाकते. पॉलीसल्फेटच्या दीर्घकाळ पोषक तत्वे मुक्त करण्याच्या वैशिष्ट्यामुळे, त्यात असलेली चार पोषक तत्वे हळूहळू बाहेर पडतात आणि वाढणाऱ्या पिकांना सतत, ताजा स्रोत प्रदान करतात. हे स्वरूप पिकांद्वारे पोषक तत्वांच्या शोषण्याच्या वेळेनुसार जुळते आणि पाण्यासोबत वाहून जाण्यामुळे होणाऱ्या सल्फेटच्या नुकसानीचा धोका कमी करते.

होय, तुम्ही युरिया आणि डीएपी सोबत पॉलीसल्फेट वापरू शकता.